အရွယ်ရောက်လာချိန်မှာ မေမေ့ကိုဘာတွေမေးသင့်လဲ..ယောကျာင်္းလေးများ မကြည့်ရ..

မေမေနဲ့သမီးဆိုတာ ရုပ်ရည်သွင်ပြင်တင်တူညီမှုတွေရှိနိုင်တာ မဟုတ်ပါဘူး။ ကျန်းမာရေးပြဿနာလေးတွေ ကိုယ်အလေးချိန်နဲ့ပတ်သက်တာတွေပါ  မျိုးရိုးဆက်ခံမှုအရ တူညီမှုရှိနိုင်ပါတယ်။ ” သမီးလိုချင် အမေကိုကြည့် ” လို့ပြောကြတာမျိုးတွေလည်းရှိတယ်လေ။ မိခင်ဖြစ်သူ အသက်အရွယ်ရလာတဲ့အခါ ပြောင်းလဲသွားတဲ့ ပုံပန်းသွင်ပြင်ကို ကြည့်ပြီး သမီးဖြစ်သူရဲ့အနာဂတ်အသွင်အပြင်ကို ခန့်မှန်းနိုင်တာမျိုးပါ။ တချို့အမျိုးသမီးလေးတွေဟာ မျိုးရိုးလိုက်မှုကြောင့်ခံစားရနိုင်တဲ့ ဝေဒနာလေးတွေရှိတာမို့ ကိုယ့်မေမေတုန်းက ဘယ်လိုကျန်းမာရေးပြဿနာလေးတွေ ကြုံတွေ့ရသလဲဆိုတာ မေးမြန်းကြည့်သင့်ပါတယ်နော်။

မေးခွန်း ( ၁ ) ရာသီလာချိန် ပြင်းပြင်းထန်ထန်နာကျင်ဖူးလား

တချို့တွေက ရာသီလာချိန်မှာအကိုက်အခဲပျောက်ဆေးတွေသောက်ပေမဲ့လည်း မသက်သာတာမျိုးရှိပါတယ်။ ဒီလို ကိုက်ခဲခြင်းမျိုးဟာ သားအိမ်တွင်းအမြှေးပါးနေရာလွဲမှားတဲ့ရောဂါ လက္ခဏာအမှတ်အသားတစ်ခုဖြစ်နိုင်တယ်လို့ ကျွမ်းကျင်သူတွေကသုံးသပ်ကြပါတယ်။ ကိုယ့်မေမေ ဒါမှမဟုတ် အဒေါ်မှာ ဒီလိုဝေဒနာမျိုးရှိနေရင် ကိုယ့်အလှည့်မှာလည်း ခံစားရနိုင်ခြေများပါတယ်။ ဒါကြောင့် ရာသီလာချိန် ပြင်းထန်တဲ့ဝေဒနာ ခံစားရမှုရှိမရှိ မေးသင့်ပါတယ်။

မေးခွန်း ( ၂ ) မိသားစုမျိုးရိုးထဲမှာ ကင်ဆာဖြစ်ဖူးသူရှိလား

ရင်သားကင်ဆာနဲ့ သားဥအိမ်ကင်ဆာတွေဟာ မျိုးရိုးလိုက်တတ်တယ်ဆိုတဲ့ ယူဆချက်တွေရှိပါတယ်။ ကိုယ့်အမျိူးအဆွေထဲမှာ ကင်ဆာဖြစ်ပွားဖူးသူ ရှိမရှိဆိုတာ သိထားသင့်တဲ့မေးခွန်းပါ။ ပိုပြီးအရေးကြီးတာက ဘယ်အရွယ်မှာ ဖြစ်ပွားခဲ့သလဲဆိုတာပါ။ အသက်( ၅၀) အရွယ်မတိုင်ခင်မှာ သူတို့တွေ ဒီဝေဒနာ ခံစားခဲ့ရဖူးရင် ကိုယ့်မှာလည်း ရောဂါဖြစ်နိုင်ခြေ နှစ်ဆ တက်လာနိုင်တယ်လို့ သိရပါတယ်။

မေးခွန်း ( ၃ ) ဆီးချို သွေးချို ရောဂါဖြစ်နိုင်ခြေရှိနေလား

ဆီးချို သွေးချိူ ရောဂါ အမျိူးအစား( ၁) ရော( ၂) ရော က မျိူးရိုးဗီဇဆက်နွယ်မှုတွေရှိနိုင်ပါတယ်။ကိုယ့်မေမေက ဆီချိုသွေးချိုရောဂါ အမျိုးအစား (၁) ရှိနေပြီး အသက် (၂၅) နှစ်မတိုင်ခင် ကိုယ့်ကိုမွေးခဲ့တာဆိုရင်  ရောဂါဖြစ်နိုင်ခြေ( ၂၅) ယောက်မှာ( ၁) ယောက်နှုန်းဖြစ်နိုင်ပါသတဲ့။ သူမ အသက် (၂၅) နှစ်ကျော်ပြီးမှ ကိုယ့်ကိုမွေးတာဆိုရင်တော့ ဖြစ်နိုင်ခြေ လူ( ၁၀၀) မှာ( ၁) ယောက်နှုန်းလို့ သိရပါတယ်။ ဒါကြောင့် ကိုယ့်မေမေမှာ ဆီးချိူရောဂါ ရှိမရှိ ၊ ကိုယ့်ကို ဘယ်အရွယ်မှာ မွေးတာလဲ ဆိုတာက အရေးကြီးတဲ့ အချက်ဖြစ်ပါတယ်နော်။


မေးခွန်း ( ၄ ) နှလုံးနဲ့ပတ်သက်တဲ့ပြဿနာ ရှိဖူးလား

ကိုယ့်မေမေဟာ အသက်( ၆၀) မပြည့်ခင် Heart Attack ရှိဖူးရင် ကိုယ့်မှာလည်းနှလုံးရောဂါခံစားရနိုင်ခြေ( ၇ )ဆ ပိုရှိတယ်လို့ ဆိုနိုင်ပါတယ်။ ကိုယ့်ဖေဖေဟာ အသက်( ၅၅) နှစ်မတိုင်ခင် Heart Attack တစ်ကြိမ်ဖြစ်ဖူးရင် ကိုယ့်မှာလည်းဖြစ်နိုင်ခြေရှိတယ်လို့ သိရပါတယ်။ နှလုံးသွေးကြောရောဂါတွေကတော့ ကိုယ့်စားသောက်နေထိုင်မှုပုံစံနဲ့လည်းဆိုင်ပါတယ်။ ဆေးလိပ်လုံးဝရှောင်ပြီး ကျန်းမာရေးနဲ့ ညီညွတ်တဲ့ အစားအစာတွေ စားရင် ကိုယ်လက်လှုပ်ရှားမှုရှိရင် ဖြစ်နိုင်ခြေကို လျှော့ချပေးသွားမှာဖြစ်ပါတယ်။

မေးခွန်း (၅) ကိုယ်ဝန်ဆောင်ချိန် အခက်အခဲရှိဖူးသလား

ကိုယ့်မေမေကိုယ်ဝန်ဆောင်ချိန်တုန်းက သွေးပေါင်ချိန်တက်တာတွေ၊ ခြေထောက်ဖောရောင်တာတွေ စတဲ့ပြဿနာမျိုးတွေ ဖြစ်ပွားခဲ့ဖူးရင် မျိုးရိုးလိုက်တတ်တယ်လို့သိရပါတယ်။ ဒါကြောင့် ကိုယ်ဝန်ဆောင်တော့မယ်ဆိုရင် ကိုယ့်ရဲ့ မိသားစုမျိုးရိုး ရာဇဝင်အကြောင်းကို ကောင်းကောင်းသိထားဖို့လိုပြီး ကျန်းမာရေးပြဿနာတစ်ခုကို ကြိုတင်ဟန့်တာနိုင်ဖို့ လိုတယ်လို့ ကျွမ်းကျင်သူတွေက အကြံပြုထားပါတယ်။ ကိုယ် ကိုယ်ဝန်ရှိချိန်မှာ သွေးပေါင်ချိန်မှန်မှန်စစ်တာ၊ ဆီးမှန်မှန်စစ်တာမျိုး  လုပ်သင့်တယ်လို့ သိရပါတယ်။

ဒီမေးခွန်းတွေ မေးထားတယ်ဆိုတာကလည်း ကိုယ့်ရဲ့ကျန်းမာရေးအတွက် ကြိုတင်ကာကွယ်ကုသနိုင်ဖို့ဖြစ်ပါတယ်။ ကိုယ်တိုင်ကလည်း ကျန်းမာရေးနဲ့ညီညွတ်အောင် နေထိုင်စားသောက်မယ် ၊ ကိုယ်လက်လှုပ်ရှားမှုရှိနေမယ် ၊ ပုံမှန်ကျန်းမာရေး စစ်ဆေး စောင့်ရှောက်မှုရှိနေမယ်ဆိုရင် ကျန်းမာသက်ရှည်စွာ နေထိုင်နိုင်မှာပါနော်။

ဂျူဂျူး (အခရာ)

Admin Apann Pyay